Daha “Ay Laçın…” mahnısı bir də heç vaxt əvvəlki kimi kədərli səslənməyəcək. Azərbaycan Respublikası, Rusiya Federasiyası Prezidentləri və Ermənistanın baş nazirinin imzaladığı üçtərəfli bəyanata əsasən Azərbaycan Ordusunun bölmələri Laçın rayonuna daxil oldu. İşğaldan azad edilən rayonumuzda Şanlı Bayrağımız qaldırıldı. “Bütün Azərbaycan xalqını bu münasibətlə ürəkdən təbrik edirəm. Laçın rayonunun işğaldan azad olunması tarixi hadisədir. Özü də bir güllə atmadan biz Laçın rayonunu qaytardıq. Düşməni buna məcbur etdik. Döyüş meydanında əldə edilmiş parlaq qələbə bu gözəl nəticəyə gətirib çıxardı ki, üç rayonumuz – Ağdam, Kəlbəcər və Laçın bizə qaytarıldı. Biz bu rayonları bir güllə atmadan, bir şəhid vermədən qaytarmışıq”,- deyə Azərbaycan Respublikasının Prezidenti İlham Əliyev xalqa müraciətində bilirdi.