Haqqımızda
www.zefer.az saytı Azərbaycanın 44 günlük Vətən Müharibəsinin virtual salnaməsidir. 44 gün ərzində hərbi, siyasi-diplomatik, informasiya və ictimai müstəvilərdə baş verən bütün əsas hadisələri xronoloji ardıcıllıqla əhatə edir. Sayt ensiklopedik formatda hazırlanmış, Vətən müharibəsi və “Böyük qayıdış”la bağlı məlumatları özündə əks etdirməyə hədəflənmişdir. Belə ki, zəfər yalnız hərb meydanı ilə bitmir. Zəfər həmçinin işğaldan azad edilmiş ərazilərdə bərpa-quruculuq işləri və iqtisadiyyatın dirçəldilməsi, reinteqrasiya proseslərini, siyasi-diplomatik və informasiya cəhbəsindəki növbəti uğurlarla xarakterizə olunur.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.