Vətən mahnıları
"Ulu vətən"
Sevilən ifaçı Əməkdar artist Sevda Ələkbərzadə Türkiyənin "Manqa" qrupunun solisti Ferman Akgül ilə "Ulu vətən" mahnısını ifa ediblər.
Mahnının musiqisi Zaur Abdullayevə, sözləri Samirə Xasməmmədovaya aiddir. Layihənin prodüserləri isə ProMete və İsa Məlikovdur.
Akgül Türkiyə mətbuatına açıqlamasında bildirib ki, təklif ondan gəlib və mahnı Qarabağa həsr olunub:
"Klipi Ermənistanın Azərbaycanda mülki şəxslərə atəş açdığı yerlərdə çəkəcəyik. "Ulu vətən"i yenidən aranjiman etdik. Niyyətim müharibədən ziyan çəkən bölgələrə getməkdir. Bir musiqiçi olaraq iki ölkə arasındakı qardaşlıq bağını sənət sahəsində də birləşdirməli olduğumuzu düşünürəm. Ən əsası isə dünyanın sənət və əyləncə aləminə Azərbaycanda baş verənləri və dostluğumuzu göstərmək istəyirəm".