Sosial media
Düşmənin hərbi infrastrukturunu dağıdan Tonaşen əməliyyatı
İkinci Qarabağ müharibəsinin son günlərində ağır zərbələr alan Ermənistan ordusu ilə bağlı xeyli sayda foto və videolar yayıldı. Tonaşendəki əməliyyatı əks etdirən görüntülər isə Vətən müharibəsi zamanı sosial şəbəkələrdə ən çox paylaşılan videolardan biri oldu.
Hər kəsin fəxrlə paylaşdığı videoda aşkar görünür ki, cəbhənin Tərtər istiqamətində Azərbaycan Ordusunun bölmələri tərəfindən həyata keçirilən əməliyyat nəticəsində düşmənin hərbi infrastrukturuna ciddi ziyan vurulub.
Müdafiə Nazirliyinin yaydığı məlumatda qeyd edilirdi ki, düşmənə endirilən artilleriya zərbələri nəticəsində Ermənistan silahlı qüvvələrinin 10-cu dağatıcı diviziyasının Tonaşen kəndində yerləşən 7-ci dağatıcı alayının qərargahı, əsgər kazarmaları, sursatla dolu avtomobil texnikaları və digər hərbi infrastrukturu dağıdıldı.