Sosial media
Əsgərlərə meyvə verən sürücü
Vətən müharibəsi zamanı hər kəs ordumuza dəstək olmağa çalışırdı. Kimisi aldığı ərzaqları, isti geyim və əsgərə lazım olan avadanlıqları, kimisi evində bişirdiyi şirniyyatları cəbhəyə doğru yol alan əsgər maşınlarına daşıyırdı. Müharibə zamanı bir videogörüntü də yayılmışdı ki, burada bağında yetişdirdiyi meyvəni satmağa aparan sürücü yeşiklərdən birini əsgərlərə sovqat verir. Sürücü əsgərləri aparan avtomobilləri görüncə tez onların arxasınca sürür, ilk fürsətdəcə - hərbi maşın dayanan kimi cəld maşından düşərək, bir yeşik almanı əsgərlərə verir.
Sosial mediada geniş şəkildə yayılan bu görüntüləri paylaşan xalqımız Vətən müharibəsindəki qələbəmizi necə sevgi və birliklə qazanmağımızı yazır.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.