Əsgərimiz
Top komandiri kimi düşmənin silah-sursat daşıyan hərbi kolonunu top atəşi ilə məhv edən cəsur əsgərimiz
Azərbaycan Ordusunun qəhrəman əsgər və zabitləri torpaqlarımızın Ermənistan silahlı qüvvələrindən azad edilməsi uğrunda Vətən müharibəsində yüksək qəhrəmanlıq və rəşadət göstərir, hər gün yeni-yeni igidlik nümunəsi yaradırlar.
Müdafiə Nazirliyinin mətbuat xidmətinin paylaşdığı növbəti videoçarxda Azərbaycan Ordusunun kiçik çavuşu Rauf Zərgərlidən söhbət açılır.
Cəsur əsgərimiz sentyabrın 27-də düşmənin təxribatına cavab olaraq ordumuzun keçirdiyi əks-hücum əməliyyatında fəal iştirak edərək top komandiri kimi düşmənin silah-sursat daşıyan hərbi kolonunu top atəşi ilə məhv edib.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.