Əsgərimiz
Azərbaycan əsgəri yeni tarix yazır
Ulu öndər Heydər Əliyevin qurucusu olduğu Azərbaycan Ordusu bu günlərdə Prezident, Ali Baş Komandan İlham Əliyevin rəhbərliyi ilə yeni tarix yazır. Torpaqlarımızı düşmən işğalından azad etmək üçün böyük fədakarlıq göstərən Azərbaycan əsgərinin rəşadəti və hünəri hər bir vətəndaşımızda sonsuz qürur hissi yaradıb. Azərbaycan əsgərinin yazdığı şanlı tarixlərdən biri də Hadrutun işğaldan azad olunmasıdır.
Müdafiə Nazirliyinin mətbuat xidməti Hadrut qəsəbəsinin və digər yaşayış məntəqələrimizin işğaldan azad olunmasında fədakarlıq nümayiş etdirən qəhrəman əsgərlərimizin bir neçəsinin fotolarını təqdim edir.
Qeyd edək ki, Hadrut qəsəbəsi 1992-ci il oktyabrın 2-dən Ermənistan silahlı qüvvələri tərəfindən işğal olunub. Ali Baş Komandanın rəhbərliyi altında şanlı Ordumuzun keçirdiyi uğurlu əks-hücum əməliyyatı nəticəsində Hadrut qəsəbəsi, eyni zamanda, ətraf kəndlər işğaldan azad edildi və hazırda ordumuzun tam nəzarətindədir. Azərbaycan Ordusu bu uğurlu əməliyyatı ilə 28 illik həsrətə son qoydu.
