Xarici media
Dağlıq Qarabağda gərginləşən qarşıdurmada Macarıstanın mövqeyi Azərbaycanı dəstəkləməkdən ibarətdir.
Bu barədə Avropa İttifaqının “Euractiv” internet-nəşri yazır.
Nəşrdə bildirilir ki, Macarıstan XİN-in bəyanatında deyilir: “Sakinləri arasında ermənilərin sayca üstünlük təşkil etdiyi Dağlıq Qarabağ Azərbaycanın beynəlxalq səviyyədə tanınan sərhədləri hüdudunda yerləşir və Macarıstan beynəlxalq hüququn ümumi prinsipi kimi dövlətlərin ərazi bütövlüyünü və suverenliyini dəstəkləyir”.
İnternet-portalda Macarıstan XİN-in bəyanatından “Macarıstan Ermənistan-Azərbaycan münaqişəsinin genişləndiyi zonada gərginliyin azaldılmasına və münaqişənin ATƏT-in Minsk qrupu formatı çərçivəsində danışıqlar yolu ilə həllinə çağırır” sözlərini sitat gətirilir.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.