Sosial media
Əsgərimizin Cəbrayılın mərkəzində qaldırdığı şanlı bayraq
Düşmən tapdağından azad edilən Cəbrayıl şəhərindən çəkilmiş müxtəlif fotolar sosial medianın gündəminə çevrilmişdi. Xalqımızın sosial şəbəkələrdə ən çox paylaşdığı məşhur görüntülərdən biri isə Azərbaycan əsgərinin Cəbrayılın mərkəzində bayrağımızı qaldıraraq keçmiş qondarma rejimin bayrağını ayaq altına alması oldu.
Həmin günlər hər kəs Azərbaycan Respublikasının dövlət bayrağının işğaldan azad olunan Cəbrayıl şəhərinin mərkəzində dalğalanması qürur və fəxr hissi ilə paylaşırdı.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.