Orduya dəstək
Frankfurt-Maynda Azərbaycanın ərazi bütövlüyünə dəstək məqsədilə mitinq keçirilib
Almaniyanın Frankfurt-Mayn şəhərində Azərbaycanın ərazi bütövlüyünə dəstək məqsədilə mitinq keçirilib.
Mitinq və yürüş Frankfurt-Mayn və ətrafında yaşayan Azərbaycan nümayəndələri tərəfindən təşkil edilib.
Bu günlərdə bütün Almaniyada olduğu kimi, ölkənin maliyyə paytaxtında da Almaniyanın birləşməsinin 30 illiyi ilə bağlı böyük tədbirlər keçirilir. Bu əlamətdar tarixdən istifadə edən Azərbaycan diasporunun nümayəndələri Dağlıq Qarabağla bağlı şüarlar səsləndirib, cəbhədəki mövcud vəziyyətlə bağlı şəhər sakinlərinə məlumatlar təqdim ediblər.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.
