Orduya dəstək
Əqli Mülkiyyət Agentliyi Silahlı Qüvvələrə Yardım Fonduna ianə edib
Azərbaycan Respublikasının Əqli Mülkiyyət Agentliyi tərəfindən Silahlı Qüvvələrə Yardım Fonduna vəsait köçürülüb.
Ölkəmizin ərazi bütövlüyü uğrunda mübarizə aparan Azərbaycan Ordusuna dəstək məqsədilə Əqli Mülkiyyət Agentliyinin rəhbərliyi və kollektivi, o cümlədən tabeliyində olan qurumlarının əməkdaşları könüllü qaydada əməkhaqqı fondundan Silahlı Qüvvələrə Yardım Fonduna 35 min manat ianə edib.
Bu barədə Əqli Mülkiyyət Agentliyindən məlumat verilib. Bildirilib ki, bundan əlavə, Agentliyin İdarə Heyətinin qərarı ilə işğalda olan torpaqlarımızın düşməndən azad edilməsinə dəstək üçün Silahlı Qüvvələrə Yardım Fonduna Agentliyin göstərdiyi xidmətlər nəticəsində əldə etdiyi vəsait hesabına 100 min manat məbləğində vəsait köçürülüb.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.