Hərəkət xəritəsi
Azərbaycan Silahlı Qüvvələri Cəbrayıl rayonunun Xudafərin qəsəbəsini azad etdi
Azərbaycan Ordusunun əks-hücum əməliyyatı cəbhənin bütün istiqamətlərində uğurla davam edir. Qoşunlarımızın keçirdiyi hərbi əməliyyatlar nəticəsində Azərbaycan Silahlı Qüvvələri Cəbrayıl rayonunun Hacılı, Hacı İsaqlı kəndlərini və Xudafərin qəsəbəsini işğaldan azad edib.
Artıq qədim Xudafərin körpüsünün üzərində Azərbaycan bayrağı dalğalanır.
Döyüş əməliyyatları davam edir.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.