Günahsız qurbanlar
Gəncə terrorunun balaca şahidləri - Aylin və Məryəm
Altı yaşlı Aylin Gəncədəki dəhşətli gecədən və 2 yaşlı bacısı Məryəmlə başına gələnlərdən danışır. Deyir ki, tək qalmaqdan qorxduqları üçün həmin gecə də analarının yanında olublar.
Dəhşətli gecənin yara və izlərini bu gün də üzündə daşıyan balaca Məryəm indi hamıdan qorxur. Davranışı, üz cizgiləri, hətta körpə baxışları belə dəyişən bu balaca qızcığaz o gecədən sonra səsini də çıxartmır.
Azyaşlı bacısının qorxduğunu bilərək, tez-tez əlini tutan, onu qucaqlayan Aylin həmin gecə yaralanan babasını da unuda bilmir.
İki balaca qızcığazın başlarına gələnlər Ermənistan dövlət terrorunun daha bir bariz nümunəsidir. Bu ölkənin silahlı qüvvələri döyüş meydanında aldığı zərbələrin heyfini mülki əhalidən çıxmağa çalışır.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.