Media
Azərbaycan Respublikasının Prezidenti İlham Əliyevin oktyabrın 2-də “Əl-Cəzirə” televiziya kanalına müsahibəsində səsləndirdiyi fikirlər Ukraynanın aparıcı kütləvi informasiya vasitələri tərəfindən geniş şəkildə yayılmaqdadır.
Ukraynanın nüfuzlu UNİAN, “RBK-Ukrayna”, “İnterfaks-Ukrayna”, “112.ua” və digər informasiya saytları Prezident İlham Əliyevin Ermənistanın işğalçılıq siyasəti və Azərbaycanın mövqeyi barədə fikirləri dərc edilib.
Məqalələrdə dövlətimizin başçısının sitatlarına istinadla qeyd edilir: “Biz “bunu dayandırın, biz işləyəcəyik, danışıqlar aparacağıq, yardım edəcəyik” kimi bəyanatlara qulaq asmaq mövqeyində deyilik. Biz bunu dəfələrlə eşitmişik. Bizim daha 30 il gözləməyə vaxtımız yoxdur. Münaqişə indi həll olunmalıdır”.
Bildirilir ki, Ermənistan münaqişəni regional müstəviyə çıxartmaq istəyir. Ermənistan guya Azərbaycana xarici ölkələrdən dəstək olduğu barədə feyk məlumatlar yayır.
