İnformasiya müharibəsi
Mülki əhali arasında təbliğat-təşviqat işləri aparılır
Döyüş meydanında olduğu kimi informasiya cəbhəsində də uğurlar qazanan Azərbaycan təkcə beynəlxalq ictimaiyyət üçün deyil, daxili auditoriyaya da hesablanmış bir sıra mühüm addımlar atır. Buna misal olaraq mənəvi-psixoloji təminat tədbirləri çərçivəsində keçirilən təbliğat-təşviqat işlərini göstərmək olar.
Müdafiə Nazirliyinin yaydığı məlumatda bildirilir ki, "Ali Baş Komandan, Prezident İlham Əliyevin bu gün xalqa müraciətində Füzuli şəhərinin və ətraf bir neçə kəndin azad edilməsi xəbəri operativ şəkildə çap olunmuş bülletenlər və səyyar radioqovşaq vasitəsilə mülki sakinlərə çatdırılır. Hər gün cəbhədən gələn qələbə xəbərləri hər bir azərbaycanlını sevindirir. Keçirilən tədbirlər cəbhəboyu zonada yaşayan dinc sakinlər tərəfindən ruh yüksəkliyi ilə qarşılanır".
