11
October

11 Oktyabr

Prezident Administrasiyası

Elçin Əmirbəyov: Ermənistanın Gəncəni raket atəşinə tutması onun münaqişənin sülh yolu ilə həllini istəmədiyini göstərdi

Azərbaycan Moskvada əldə edilmiş razılaşmaya əsasən münaqişənin sülh yolu ilə həllinə sadiqliyini nümayiş etdirdi. Amma Ermənistan hətta mülki əhaliyə qarşı hücumlarını davam etdirir.

Bu sözləri Azərbaycan Respublikasının Birinci vitse-prezidentinin köməkçisi Elçin Əmirbəyov Azərbaycanda akkreditə olunan xarici hərbi attaşelər və beynəlxalq təşkilatların ölkəmizdəki nümayəndələri üçün təşkil edilən brifinqdə söyləyib.

Elçin Əmirbəyov qeyd edib ki, Ermənistanın ötən gecə Gəncəni raket atəşinə məruz qoyması onun münaqişənin sülh yolu ilə həllini istəmədiyini göstərdi. Beynəlxalq təşkilatlar bu məsələdə Ermənistan hökumətinə təzyiq göstərməli və Ermənistanın hücumlarının qarşısı alınmalıdır.

Azərbaycan Ordusunun sentyabrın 27-də işğalçı Ermənistan silahlı qüvvələrinə qarşı başladığı əks-hücum əməliyyatında əldə etdiyi möhtəşəm qələbələr haqqında bundan sonra kitablar yazılacaq, filmlər çəkiləcək. Amma indidən tam əminliklə deyə bilərik ki, cəbhə uğurlarımızın ən başlıca səbəbi Prezident, Ali Baş Komandan İlham Əliyevin həyata keçirdiyi güclü dövlət, güclü ordu strategiyası, milli birlik və döyüşçülərimizin ruh yüksəkliyi idi.