Diplomatik təmaslar
Nizami Gəncəvi Beynəlxalq Mərkəzi ilə əməkdaşlıq edən yunanıstanlı akademiklər Prezident İlham Əliyevə məktub göndəriblər
Nizami Gəncəvi Beynəlxalq Mərkəzi ilə əməkdaşlıq edən yunanıstanlı akademiklər Prezident İlham Əliyevə məktub göndəriblər.
Məktubda deyilir:
"Azərbaycan Respublikasının Prezidenti Zati-aliləri cənab İlham Əliyevə
Zati-aliləri,
Hazırda Dağlıq-Qarabağdakı vəziyyəti böyük narahatlıqla izləyirik.
Biz həlak olanlarla əlaqədar Sizə başsağlığı verir və yaralıların tezliklə şəfa tapmasını diləyirik. Akademiklər olaraq düşünürük ki, BMT-nin 75-ci ildönümündə hər kəs təşkilatın Təhlükəsizlik Şurasının qətnamələrinə hörmət etməlidir.
Uzun illər ərzində biz tərəfdaşımız Nizami Gəncəvi Beynəlxalq Mərkəzi ilə birgə dialoq, tolerantlıq və anlaşmanı təşviq etmək üçün çalışmışıq. Ümid edirik ki, ortaq dünyamız naminə bu işi bundan sonra da davam etdirəcəyik. İnanırıq ki, bizimlə eyni fikirdə olan insanları bir araya gətirməli və onları qorumalıyıq. Çünki onların müdrikliyinə və təcrübəsinə ehtiyacımız var.
Son səkkiz ildə Davamlılığa Keçid Klasteri çərçivəsində Nizami Gəncəvi Beynəlxalq Mərkəzi ilə dünyanın üzləşdiyi ən aktual məsələləri təbliğ etmək üçün birgə çalışırıq.
Hörmətlə,
Fibi Kunduri – Afina İqtisadiyyat və Biznes Universitetinin professoru, Ətraf Mühit və Resurslar üzrə İqtisadçıların Avropa Assosiasiyasının Prezidenti
Lidiya Papadaki – Birləşmiş Millətlər Təşkilatının Yunanıstandakı Davamlı İnkişaf Şəbəkəsinin meneceri
Mariya Lentudi – Davamlılığa Keçid üzrə Klaster Qrupunun kommunikasiya rəhbəri
Akiles Vassilopulos – İonnina Universitetinin dosenti
Angelos Plataniotis – Afina İqtisadiyyat və Biznes Universitetinin professoru, tədqiqatçı
Angelos Alamanos – tədqiqatçı
Lidiya Stergiopolu – Ətraf Mühit və İqtisadiyyat üzrə Tədqiqatlar Mərkəzinin tədqiqatçısı
Aris Mussolides – professor
Sofiya Mantafuni – Afina İqtisadiyyat və Biznes Universitetinin baş meneceri
Panayiotis Sofronidis – tədqiqatçı
Kutsibu Eleni – Ali Məhkəmədə vəkil, Afina Universitetinin Hüquq fakültəsində elmi işçi
Pol Lentudis – Patras Universitetinin professoru"