08
Noyabr

8 Noyabr

Zəfər günü

Bərdədə Şuşanın azad edilməsi qeyd olunur

Şuşa şəhəri 28 ildən sonra Azərbaycan Ordusu tərəfindən işğaldan azad edildi. Bu münasibətlə Bərdə şəhərində yerli sakinlər küçələrə çıxaraq sevincli xəbəri qeyd edirlər.

Bu gün Bərdədə hər kəs əllərində üç rəngli bayrağımızla küçələrə çıxaraq "Qarabağ bizimdir, bizim olacaq", "Qarabağ Azərbaycandır" şüarları səsləndirirlər.

Hər kəs Ali Baş Komandana və Azərbaycan Ordusuna minnətdarlığını bildirirlər.

Azərbaycan Ordusunun sentyabrın 27-də işğalçı Ermənistan silahlı qüvvələrinə qarşı başladığı əks-hücum əməliyyatında əldə etdiyi möhtəşəm qələbələr haqqında bundan sonra kitablar yazılacaq, filmlər çəkiləcək. Amma indidən tam əminliklə deyə bilərik ki, cəbhə uğurlarımızın ən başlıca səbəbi Prezident, Ali Baş Komandan İlham Əliyevin həyata keçirdiyi güclü dövlət, güclü ordu strategiyası, milli birlik və döyüşçülərimizin ruh yüksəkliyi idi.