Törədilən cinayətlər
Ermənistan ordusu Goranboy rayonunun Aşağı Ağcakənd qəsəbəsini artilleriya atəşinə tutur
Oktyabrın 1-də səhər saatlarından etibarən Ermənistan silahlı qüvvələrinin bölmələri Goranboy rayonunun Aşağı Ağcakənd qəsəbəsini artilleriya atəşinə tutur.
Mülki əhalini hədəfə alan düşmənin atdığı artilleriya atəşi nəticəsində sakinlər arasında ölən və xəsarət alan olmayıb.
Atılan düşmən mərmilərdən biri ərazidə çəkiliş aparan AZƏRTAC-ın müxbirlərinin yaxınlığında partlayıb. Müxbirlərimiz atəş altındakı ərazidən xəsarət almadan çıxa biliblər.
Azərbaycan Ordusunun bölmələri düşmənə sarsıdıcı zərbələr endirir.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.
