Orduya dəstək
Ankarada Azərbaycana dəstək yürüşü keçirilib
Türkiyənin paytaxtı Ankara şəhərində Azərbaycana daha bir dəstək yürüşü keçirilib.
Onlarla avtomobil Azərbaycan və Türkiyənin dövlət bayrağı ilə paytaxt küçələrində hərəkət ediblər.
Ermənistanın Azərbaycana qarşı işğalçılıq siyasətinə, təcavüzkar hərəkətlərinə, dinc əhalinin ağır texnika və raketlə atəşə tutulmasına etiraz edən yürüşçülər birlik və zəfər şüarları səsləndiriblər.
Şəhərin müxtəlif yerlərində dayanan bayraqlı avtomobil karvanı paytaxt ictimaiyyəti tərəfindən də maraqla qarşılanıb.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.
