Orduya dəstək
Ordu-xalq birliyinin növbəti nümunəsi: muxtar respublika sakinləri hərbçilərimizə sovqatlar aparır
Ordumuzun düşmənin təxribatlarına qarşı sentyabrın 27-dən başlatdığı uğurlu əks-hücum əməliyyatı xalqımıza sevinc hissi yaşadır. Hər zaman ordumuzla bir olan vətəndaşlarımız əsgərlərimizi ziyarət edir, hərbi hissələrimizə sovqat gətirir, şəxsi heyətə mənəvi dəstək olurlar.
Əlahiddə Ümumqoşun Ordunun mətbuat xidmətindən bildirilib ki, Ordubad Rayon İcra Hakimiyyəti, Şərur rayonun Vərməziyar və Qorçulu kəndlərinin, Babək rayon Qoşadizə kəndinin, Şahbuz və Sədərək rayonlarının sakinləri tərəfindən Əlahiddə Ümumqoşun Ordunun birləşmə, hissə və bölmələrinə 8 xırdabuynuzlu heyvan, 160 kiloqram quzu əti, meyvə-tərəvəz, şirin və mineral sular, müxtəlif növ ərzaq məhsulları, siqaret və təmizlik ləvazimatları gətirilib.
Qeyd olunub ki, hər zaman olduğu kimi ordumuzun işğalçı düşmənə qarşı apardığı uğurlu əks-hücum əməliyyatı zamanı da xalqımız ordumuzun yanındadır. İnanırıq ki, ordumuz bu döyüşdən qələbə ilə çıxacaq, işğal altında olan torpaqlarımız düşməndən tam azad olunacaqdır.
