Xarici ölkələr
Türkiyə Milli Müdafiə Nazirliyi: Ermənistan işğal etdiyi torpaqları əsl sahibinə qaytarmalıdır
Azərbaycan Ordusu işğal altındakı torpaqlarını azad etmək üçün böyük qəhrəmanlıq göstərərək böyük uğurlar qazanıb.
Bu fikirlər Türkiyə Milli Müdafiə Nazirliyinin rəsmi saytında türk və ingilis dillərindəki edilən paylaşımda əksini tapıb. Azərbaycan və Türkiyə Silahlı Qüvvələrinin birgə hərbi təlimlərindən çəkilmiş fotonun da yer aldığı paylaşımda deyilir: “Artıq Ermənistan işğal etdiyi torpaqları əsl sahibinə qaytarmalıdır. Bu addım atılanadək azərbaycanlı qardaşlarımızın yanında olmağa davam edəcəyik”.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.