30
Oktyabr

30 Oktyabr

Yerli media

Ermənistanda ordu yox, bir sürü cinayətkar dəstə mövcuddur - Hərbi ekspert (Trend)

Ermənistan ordusunda fərariliyin artması və qüvvələrin çökməsi Paşinyanın kənar qüvvələrin ağlı ilə hərəkət etməsindən yarandı.

Bunu ehtiyatda olan polkovnik-leytenant Üzeyir Cəfərov deyib.

Onun sözlərinə görə, Ermənistan hakimiyyətinə məlum idi ki, Azərbaycan Ordusu qarşısında tab gətirə bilməyəcək: "Bunu onlar çox gözəl anlayırdılar. Ona görə də bu gün Ermənistan ordusunda hərbçilər bir-birinə atəş açır, bir-birinə hiddətlənir. Hələ bu harasıdır? Bir müddət sonra Ermənistan ordusunda daha acınacaqlı fəlakətlər olacaq. Məğlub duruma düşən erməni qoşunlarının əsas maneələri hələ qarşıdadır. Bu ordunu bərpa etməyə illər lazım olacaq. Bu, Ermənistan üçün çox çətin olacaq. Hazırda Ermənistan ordusu ciddi məğlubiyyətə uğrayıb. Azərbaycan əsgərinin gücü və bacarığı qarşısında ermənilər çox gərgin vəziyyətə düşüb. Paşinyan düşünürdü ki, onun güclü ordusu var. Amma Azərbaycan əsgəri sübut etdi ki, onlarda ordu yoxdur. Bir daha sübut olundu ki, onlarda ordu yox, yalnız bir sürü cinayətkar dəstələr mövcuddur və onlar da yalnız şəxsi məqsədlərini həyata keçirmək üçün fəaliyyət göstərir".

Hərbi ekspert bildirib ki, Azərbaycan Ordusu dəfələrlə Ermənistanı başa salmağa çalışdı, amma onlar bunu anlamadı: "Biz dəfələrlə onlara anladırdıq, təhlil edirdik ki, Azərbaycan Ordusu qarşısında tab gətirə bilməyəcəklər. Amma onlar bu təhlillərə, təkliflərə məhəl qoymurdular. Nəticədə də Azərbaycan əsgərinin gücünü gördülər və belə bir biabırçı vəziyyətə düşdülər".

Azərbaycan Ordusunun sentyabrın 27-də işğalçı Ermənistan silahlı qüvvələrinə qarşı başladığı əks-hücum əməliyyatında əldə etdiyi möhtəşəm qələbələr haqqında bundan sonra kitablar yazılacaq, filmlər çəkiləcək. Amma indidən tam əminliklə deyə bilərik ki, cəbhə uğurlarımızın ən başlıca səbəbi Prezident, Ali Baş Komandan İlham Əliyevin həyata keçirdiyi güclü dövlət, güclü ordu strategiyası, milli birlik və döyüşçülərimizin ruh yüksəkliyi idi.