02
Oktyabr

2 Oktyabr

Yerli media

Livanlı vəkil: Ermənistan prezidenti hərbi cinayətləri təşviq edir (Trend)

Ermənistan prezidenti Armen Sarkisyanın digər ölkələrdən etnik ermənilərin Dağlıq Qarabağ münaqişəsinə cəlb edilməsi barədə açıqlaması hərbi cinayətdir.

Bunu livanlı vəkil, xarici siyasət və beynəlxalq hüquq üzrə ekspert Tarik Şandib deyib.

O vurğulayıb ki, dünya ictimaiyyəti Dağlıq Qarabağı, eləcə də Ermənistan tərəfindən işğal olunmuş digər əraziləri Azərbaycanın ayrılmaz tərkib hissəsi hesab edir. Vəkil əlavə edib ki, dünya ictimaiyyəti müxtəlif ölkələrdən ermənilərin işğal olunmuş ərazilərinə gətirilməsinin qarşısını almalıdır. Hərbi məqsədlərlə Azərbaycanın ərazisinə yollanan ermənilər terrorçu kimi qiymətləndiriləcək:

“Bir daha bəyan edirəm ki, Azərbaycan xalqına qarşı cinayətlərdə adı hallanan erməni rəsmi şəxsləri beynəlxalq məhkəməyə cəlb olunmalıdır. Azərbaycan öz ərazilərini işğaldan azad etmək hüququna malikdir, prinsip etibarilə, bu, ATƏT Minsk qrupunun tələblərinə uyğundur”.

Azərbaycan Ordusunun sentyabrın 27-də işğalçı Ermənistan silahlı qüvvələrinə qarşı başladığı əks-hücum əməliyyatında əldə etdiyi möhtəşəm qələbələr haqqında bundan sonra kitablar yazılacaq, filmlər çəkiləcək. Amma indidən tam əminliklə deyə bilərik ki, cəbhə uğurlarımızın ən başlıca səbəbi Prezident, Ali Baş Komandan İlham Əliyevin həyata keçirdiyi güclü dövlət, güclü ordu strategiyası, milli birlik və döyüşçülərimizin ruh yüksəkliyi idi.