Sosial media
Füzuli şəhərinin mərkəzində dalğalanan şanlı bayrağımız
İkinci Qarabağ müharibəsi zamanı ən ağır döyüşlərin getdiyi bölgələrdən biri də Füzuli oldu. Vətən müharibəsi zamanı şəhərin uğurlu şəkildə işğaldan azad olunması xalqımız tərəfindən böyük sevinc hissi ilə qarşılandı.
Məhz Füzuli şəhərinin mərkəzində Azərbaycan bayrağının qaldırılması sosial mediada ən çox paylaşılan görüntülərdən biri idi. Qəhrəman Azərbaycan əsgərlərinin düşməni tarixi və əzəli torpaqlarımızdan qovaraq növbəti əraziyə bayraq sancması, Ali Baş Komandana məruzə etməsi hər kəsdə qürur hissi oyatdı!
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.