Xarici media
Fransanın “Le Point”, “Le Dauphine”, “France 24”, “ActuOrange” kimi kütləvi informasiya vasitələri Gəncə şəhərinin Ermənistanın raket hücumuna məruz qalmasından bəhs edən məlumatlar yayıblar. Məlumatlarda Azərbaycanın müvafiq qurumlarına istinadla raket hücumu nəticəsində 10-dan çox şəxsin həlak olduğu, 40-dan artıq insanın yaralandığı bildirilir.
Məlumatlarda Gəncə ilə yanaşı, Mingəçevir şəhərinin də hədəfə alınmasından bəhs edilir.
Bildirilir ki, dinc sakinlər gecə yatarkən Ermənistanın raket atəşlərinə məruz qalırlar.
Azərbaycan Ordusunun sentyabrın 27-də işğalçı Ermənistan silahlı qüvvələrinə
qarşı başladığı əks-hücum əməliyyatında əldə etdiyi möhtəşəm qələbələr haqqında
bundan sonra kitablar yazılacaq, filmlər çəkiləcək. Amma indidən tam əminliklə
deyə bilərik ki, cəbhə uğurlarımızın ən başlıca səbəbi Prezident, Ali Baş Komandan
İlham Əliyevin həyata keçirdiyi güclü dövlət, güclü ordu strategiyası, milli birlik və
döyüşçülərimizin ruh yüksəkliyi idi.
